БИШКЕК. 26-мартта Москвада КМШ мамлекеттеринин Тышкы иштер министрлеринин кеңешинин жыйыны болот. Ага Кыргызстандан өлкөнүн тышкы иштер министри Аскар Айтматов катышат. Бул тууралуу министрликтин КМШ башкармалыгынын башчысы Эркин Мамкулов билдирди. Анын айтымында, министрлер КМШ аймагында кызматташууларга байланыштуу бир катар маселелер менен катар 16-апрелде Бишкекте өтө турган Шериктештикке кирген мамлекеттердин премьер-министрлеринин жыйынынын күн тартибине кирчү маселелерди да такташат.
