БИШКЕК. Бишкек-Торугарт жолу автоунаалардын катнашы үчүн ачыла элек. Бул жолдун «Долон» участкасында түшкөн кар көчкүнү тазалоо иштери жана кар көчкү болуучу болжолдуу жерлерди иликтөө иштери улантылууда. Бул жөнүндө бүгүн экология жана өзгөчө кырдаалдар министрлигинен маалымдашты. Ал эми Бишкек-Ош автожолу азырынча унаа үчүн күндүзү гана эртең мененки саат жетиден кечки саат алтыга чейин ачык.
