Мадрид: 11-марттагы чабуулдун курмандыктарынын ырасмий тажиясы болот

Бүгүн Мадридде 11-марттагы террордук чабуулда шеит кеткен 190 кишинин ырасмий тажиясы болот.
Тажияга Испаниянын падышасы Хуан Карлос, Британиянын премьер-министри Тони Блэр, Германиянын канцлери Герхард Шрөдер, Франциянын президенти Жак Ширак, АКШнын Мамлекеттик катчысы Колин Пауэлл катышат деп күтүлүүдө.
Испан бийликтери Мадриддеги бомба жардырууларын ислам экстремисттери уюштурду деп шектенүүдө.
Мадриддин темир жол бекетиндеги бомбаларды жардыруудан ошондой эле 1800ден ашуун киши жарадар болгон.