БИШКЕК. Президент Аскар Акаев эртең «Мамлекеттик тил жөнүндө” мыйзамга кол койот. Бул тууралуу бүгүн президенттин маалымат кызматынан билдиришти. Жогорку Кеңештин мыйзам чыгаруу жыйыны «Мамлекеттик тил жөнүндө” мыйзамды 12-февралда кабыл алган. Парламент тарабынан мыйзам кабыл алынганда Мыйзам чыгаруу жыйынынын айрым депуттары “Мамлекеттик тил жөнүндө" мыйзам дискриминацияга жол ачып, бийликке жакпаган адамдарды жазалоочу курал катарында пайдаланылат, мыйзам чийки жана анын бир катар беренелери Конституцияга карама-каршы келет, деген пикирлерин билдиришкен.
