Ага альянска жаңы кабыл алынган жети өлкөнүн министрлери катышты. Жыйында негизги маселелердин бири катары НАТО менен Россиянын мамилелери талкууланды. Жолугушуудан кийин альянстын баш катчысы Яап де Хооп Схеффер эки тараптын ортосунда макулдашылган, ошондой эле орток пикир таба албаган проблемалар боюнча талкуу-талаштар болгонун белгилеп, НАТОго жаңы мүчөлөр алынгандан кийин да Россия менен мурдагыдай эле конструктивдүү өнөктөштүк алака сакталып каларына ишенич билдирди.
