БИШКЕК. 13-14-январда Мыйзам чыгаруу жыйынынын оппозициялык маанайдагы бир катар депутаттарынын иш бөлмөлөрүнөн жашыруун тыңшоочу аппараттардын табылышына байланыштуу ишти иликтеген депутаттык комиссия өз иликтөөсүнүн жыйынтыгын апрель айынын ичинде чыгарат. Бул тууралуу депутаттык комиссиянын мүчөсү, депутат Алишер Абдымомунов бүгүн билдирди. Анын айтымында, комиссия ишине тоскоолдуктар да жасалууда. Бирок ага карабай иликтөө иши улантылууда жана анын соңунда депутаттык комиссия өз баяндамасын (отчетун) парламенттин кароосуна сунуштайт.
