Кабулда бомба табылгандан кийин үч киши камакка алынды

Эл аралык Коопсуздук күчтөрүнүн маалымат катчысы Крис Хендерсон кабарчыларга Ооганстандын атайын кызматтары жүргүзгөн операцияга эл аралык аскерлер да көмөктөшкөнүн ырастады. Кармалгандардын табылган жардыргычтарга тийешеси бар экени тактала элек.
Жардыргычтарды бир карапайым киши Кабулдун эл аралык аскерлердин бир нече турагы жайгашкан Жалалабат кан жолунун боюнан таап алган эле.