Линктер

logo-print
дүйшөмбү, 05-декабрь, 2016 Бишкек убактысы 07:00

Өкмөт башчы даярдыкты күчөтүүгө тапшырма берди


БИШКЕК. Өткөн түнү Кыргызстандын түштүк аймагында жер титирөө болду. Улуттук илимдер академиясынын «Бишкек» сейсмикалык борборунун маалымдоосуна караганда, Ош шаарында титирөөнүн кубаты 3,5 балл, ал эми Гүлчө, Дарооткоргондо 4 баллга жеткен. Алдын ала маалыматтар боюнча кыйроолор жана жабыркагандар жок. Титирөөнүн очогу Ооганстан аймагында болуп, ал жерде титирөөнүн кубаты 8 балл болгон. Тажикстандын Мургаб, Жергетал райондорундагы кыргыздардын бул жер титирөөдөн жабыркагандыгы жөнүндө азырынча маалымат жок экендигин Кыргызстандын Дүйшөмбүдөгү элчилигинен билдиришти. Ал эми жазгы жаан-чачындын күчөшүнө байланыштуу премьер-министр Николай Танаев атайын буйрук чыгарып, куткаруучуларды, жолчуларды, медициналык жана башка кызматтарды өзгөчө кырдаалдарга чара көрүүгө даяр болууга милдеттендирди.

Азаттык Фейсбукта

XS
SM
MD
LG