Линктер

logo-print
дүйшөмбү, 5-декабрь, 2016 Бишкек убактысы 20:35

Иракта кандуу кагылыштар уланууда


БАГДАД. Коалициялык күчтөр Фаллужа шаарына чабуул жасоону убактылуу токтотту. Алар аны шаарга гуманитардык жардамды койо берүү үчүн жасалды деп жатышат. Маалыматтарга караганда, согушту токтото туруу тууралуу алдын ала сүйлөшүү болгон.

- Бул убакыттын ичинде коалициялык күчтөр коргонууга болгон өзүнүн укугунан баш тартпайт жана эгерде сүйлөшүүлөр натыйжа бербесе, чабуул кайра башталат,-деди Пол Бремер.

Бирок деңиз аскеринин лейтананты Бренан Бөрн бир жарым саат тыныгуудан кийин согуш кайра башталгандыгын билдирди.

Салгылашуу Ирактын башка жерлеринде да жүрүп жатканы айтылат. Абу-Гаиб шаарында америкалык автоколонно чабуулга алынып, 9 киши набыт болгон. Алардын кайсы тараптан экендиги тууралуу маалымат жок. Багдаддын борборунда жайгашкан “Шератон” мейманканасынын жанында снаряд жарылды.

Коалициялык күчтөр Ирактын эл -Кут шаарын ээлеп алышты. Ошого карабай, Британиянын тышкы иштер министри Жек Стро Би-би-си радиосуна берген интервьюсунда “Ирактагы азыркы абал абдан оор. Коалиция мурда мындай абалга туш келген эмес болчу” деди.

Азаттык Фейсбукта

XS
SM
MD
LG