Малайзиянын Куала-Лумпур шаарында 4-май күнү өткөрүлүүгө белгиленген мусулман өлкөлөрүнүн тышкы иштер министрлеринин жыйыны 22-апрелге которулду. Шашылыш өтө турган жыйында Ирактагы начарлап бараткан жагдай жана Жакынкы Чыгышта тынчтык орнотуу жараянында пайда болгон жаңы тоскоолдуктар талкууланмакчы. Малайзиянын тышкы иштер министри Сайед Хамид Албардын айтымында, Израилдин премьер-министри Ариел Шарон өзүнүн акыркы демилгеси менен эл аралык коомчулук даярдап чыккан тынчтык планын четке какты.
