Америкалык гезиттердин өкүлдөрү алдында Вашингтондо сөз сүйлөп, президент Буш ушундай деп билдирди. Тегерандын бул багыттагы аракетине адегенде ООНдун рамкасында чечкиндүү чаралар көрүлөт. Иранда бийликтин жогорку тепкичинде аятолла Али Хаменеи турганын,дүйнө болсо бардык маселелер боюнча президент Мохаммад Хатамиге кайрыларын белгилеп, Буш жогорку диний лидерге дүйнөлүк коомчулуктун пикири жетип жаткан-жатпаганын да билүү кыйын, бирок иран жетекчилери эми аларга атомдук курал жасаганга дүйнө жол бербей тургандыгын түшүнө баштады болуу керек, деп айтты. Буштун айтымында, Иран Израилди жок кылууну көздөйт. Тегеран болсо атомдук программасын өңчөй жайчылык максаттарга гана багытталган деп эсептейт.
