БИШКЕК. Бүгүн Бишкекте «Акыйкат жана прогресс» партиясынын саясий кеңешинин жыйыны болду. Анда үч маселе каралды. Алардын ичинде, Баткен жана Нарын облустарында партиянын жергиликтүү уюмдарын түзүү, күз мезгилинде боло турган жергиликтүү кеңештерге шайлоого даярдык көрүү жана партиянын ишмердүүлүгүн маалымат жагынан камсыздоо маселелери каралды. Бул тууралуу партия лидери Муратбек Иманалиев билдирди. Анын айтымында, «Акыйкат жана прогресс» партиясынын ишмердүүлүгүн калкка жеткирүү максатында гезит чыгаруу пландаштырылууда.
