БИШКЕК. Бир катар оппозициялык маанайдагы депутаттардын иш бөлмөсүнөн табылган тыңшоочу аппараттын орнотулушуна байланыштуу маселени иликтеген депутаттык комиссия май айынын орто ченинде өз иликтөөсүнүн жыйынтыгын чыгарат. Бул тууралуу депутаттык комиссиянын төрагасы, мыйзам чыгаруу жыйынынын төрагасынын орун басары Кубатбек Байболов бүгүн билдирди. Анын айтымында, депутаттык комиссиянын ишине тартип коргоо органдары жакшы жол ачып берген жок. Натыйжада тыңшоочу аппараттардын ким тарабынан коюлгандыгы так аныктала элек.
