БИШКЕК. Президент Аскар Акаев Алай районундагы жер көчкүдөн каза болгон атуулдардын жакындарына көңүл айтып, өкмөткө куткаруу иштерин тезинен жүргүзүүнү тапшырды. Айрым маалыматтарга караганда, кырсык болгон жерге 27-апрелде мамлекет башчысынын бараары белгиленүүдө. Ошондой эле Мыйзам чыгаруу жыйынынын төрагасы Абдыганы Эркебаев, палатанын коопсуздук комитетинин төрагасы Исмаил Исаков да эртең Алай районунун Будалык айыл өкмөтүндөгү Кайнама жергесине сапар алмакчы.