Линктер

logo-print
дүйшөмбү, 05-декабрь, 2016 Бишкек убактысы 04:48

«АЧЫК КЫРГЫЗСТАН» ДОЛБООРУНУН БЕТАЧАРЫ БОЛДУ


Бүгүн Бишкекте “Сорос-Кыргызстан” фондунун демилгеси менен “Ачык Кыргызстан” долбоорунун бетачары өттү. Жарандык коом менен бийликтин ортосундагы өзара түшүнүшүү маанайын жаратуу, демократиялык баалуулуктарды жайылтуу максатын көздөгөн долбоордун бетачарына бейөкмөт уюмдардын, саясий партиялардын, маалымдоо каражаттардын өкүлдөрү чакырылды.

Жаңы долбоор негизинен жарандык коомдун активдүүлүгүн көтөрүүгө, анын саясий турмушка батыл аралашуусуна негиз түзүүгө багытталган. Долбоордун тескөөчүсү Чолпон Ногойбаеванын ырасташынча:

- Жарандык коом өкүлдөрү, ишкерлер, мамлекеттик бийлик кызматкерлери даярдалып аткан долбоорлорду талкуулап, ага баасын берип турушу керек. Бул бийлик кабылдап аткан чечимдердин натыйжалуулугун жогорулатат.

Жарандык коом менен бийликтин ортосундагы алдагыдай мамиле-катнашка жетиш үчүн эки тараптан тең олуттуу мамиле жасалышы керек. Бийлик менен жарандык коомдун ортосундагы карым-катыштын жаңы сапаттык деңгээлин аныктаган долбоорго кызыккандар көп болууда, деп маалымдады Чолпон Ногойбаева.
XS
SM
MD
LG