БИШКЕК. Шейшембиде Шанхай шаарында Азиядагы 32 мамлекетти байланыштыруу багытында 140 миң километрден ашуун автожолду куруу максатында 23 мамлекеттин тышкы иштер министрлери эл аралык келишимге кол коюшту. Бул тууралуу бүгүн Тышкы иштер министрлигинин басма сөз кызматынан билдиришти. Маалыматка караганда автожол каттамы курулса Кыргызстандын океанга чыгуусуна шарт түзүлөт. Кытайдын Шанхай шаарында өтүп жаткан БУУнун Азия жана Тынч океан жээгиндеги мамлекеттер боюнча социалдык жана экономикалык комиссиясынын 60-сессиясына Тышкы иштер министри Аскар Айтматов катышууда.
