БИШКЕК. “Азыр биз суу-энергетика маселелерин жөнгө салышыбыз керек. Эгерде бул маселе жөндүү чечилбесе донор мамлекеттер инвестициялык долбоорго катышуудан баш тартат”, деген пикирин Евразия экономикалык уюмунун баш катчысы Григорий Раппота бүгүн Тажикистандагы жыйында билдирди. Бул тууралуу бүгүн РИА “Новости” агенттиги маалымдады. Интеграциялык кеңештин Евразия экономикалык уюмуна мүчө өлкөлөрдүн өкүлдөрүнүн жыйынында Тажикистанда суу-энергетиканы пайдалануу, энергетикалык обьекттерди куруу, инвестицияларды тартуу маселеси каралды. Жыйынга Казакстан, Кыргызстан, Белоруссия, Орусия, Тажикистандын өкүлдөрү катышууда.
