Мамкатчынын орун басары Казакстандагы шайлоону маанилүү сынак деп эсептейт

Вашингтондо өткөн америкалык-казак ишкер биримдигинин жыйынында сүйлөгөн сөзүндө Ричард Армитаж күзгө белгиленген парламенттик шайлоонун жыйынтыгына карап Казакстандын чындыгында эле демократияга дит койгонун айтууга болот деди. Армитаж экономикалык өсүштө жалаң мунай кен байлыгына таянганы туура болбой тургандыгын, Казакстандагы мындан аркы экономикалык гүлдөп-өсүш "жарандык коомдун бекем пайдубалына" жараша болоорун белгиледи.

Армитаж ошондой эле казак бийликтерин көз карандысыз маалымат каражаттарын жана оппозиция өкүлдөрүн басмырлоону улантып жаткандыгын сынга алды.