ДУБЛИН. Ирландиянын бийликтери кечээки кагылышууда 29 адам кармалып, аларга тартип бузду деген айып коюлгандыгын билдирди. Кечээ бул жерде Европа биримдигине 10 өлкөнү кабыл алуу салтанаты болуп, 700гө жакын адам нааразылык билдирип, көчөгө чыккан. Полиция аларга суу чачып кууп чыгууга аракет кылганда полиция менен демостранттардын ортосунда кыгылышуу болгон. Кагылышууда 1 полицай жаракат алгандыгы айтылат. Ал эми демонстранттардан эч ким жапа чеккен эмес.
