Ливиянын соту болгариялык жана палестиналык доктурларды өлүм жазасына кести

Ливиянын соту кечээ күнү беш болгариялык жана бир палестиналык доктурду өлүм жазасына кести. Алар жүздөгөн ливиялык балага СПИД оорусун жугузган деп күнөөлөнгөн. Болгариянын президенти Георгий Парванов аны сынга алды: "Сот учурунда келтирилген фактылар, көрсөтүлгөн материалдар жана айтылган бардык сөздөрдү эске алганда, Болгариялык жарандардын күнөөсү далилденди деп мен эсептебейм". АКШ жетекчилиги дагы маселени кайра карап чыгууну сунуштады.


Таңкы эл аралык кабарлар топтомун даярдаган – Нарын АЙЫП, Прага шаары.