БИШКЕК. Эртең Бишкекте Кыргызстандагы саясий партиялардын өкүлдөрү «Саясий партиялар жөнүндө» мыйзам долбоорун талкуулашат. Талкууга өкмөтчүл жана оппозициялык көз караштагы партиялардын катышуусу күтүлүүдө. Жаны мыйзам долбоорунда талаш-тартыштарды пайда кылган беренелер партиялардын жергиликтүү уюмдарын каттоодон өтүүгө милдеттендирген жана жаңы партияларды түзүүнү татаалдаткан беренелер болуп жатат. Оппозициялык көз караштагы партиялар мындай нормалардын киргизилишине каршы пикирлерин билдирип жатышса, бийликке ылым санаган партиялар мыйзамга бул беренелердин киргизилишин колдошууда.
