БИШКЕК. Айыл өкмөттөргө 35 миллион 976 миң сом өлчөмүндө грант берилет. Бул тууралуу 13-майда өз ишин аяктаган жакырчылыкты жоюу боюнча 3-улуттук форумда белгилүү болду. Президент Аскар Акаев 14 айыл өкмөттүн башчыларына грант алууга сертификаттарды тапшырды. Дүйнөлүк банктын «Айылдык инвестиция» долбоорунун алкагында бөлүнүп жаткан 35 миллион 976 миң сом айыл элинин турмушун оңдогонго, элет көйгөйлөрүн чечүүгө жумшалмакчы. Форумга республика боюнча 450 айыл өкмөт башчылары катышты.
