БИШКЕК. «Жаңы Кыргызстан» саясий партиясы Кыргызстандын элине,өлкө президентине, Жогорку Кеңешке жана өкмөткө кайрылуу жолдоду. Анда эл керектөөчү, анын ичинде эл көп пайдаланчу курулуш материалдарынын баасынын эки эседен төрт эсеге чейин кымбаттап кеткендиги белгиленип, курулуш материалдарынын баасын мурдагы калыбына кайра алып келүүнү өкмөттөн талап кылды. Андан тышкары курулуш материалдарынын баасын мурунку калыбына алып келе албаса, анда пенсия, жөлөк пул жана айлык маянанын көлөмүн минималдык керектөөнүн деңгээлине жеткирүүнү сунуштады. Кыргызстандын Каржы министрлигинин эсеби боюнча азыр минималдык айлык керектөөнүн көлөмү айына 1 миң 900 сомду түзөт.
