ИСЛАМАБАД. Пакистан президенти Первез Мушарраф Индиянын жаңы премьер-министри Манмохам Сингди кызмат орду менен телефон аркылуу куттуктады. Ошондой эле Индия-Пакистан чатагына чек коюу аракеттеринен тыянак чыгарынан үмүттөнгөндүгүн билдирди. Мушараф телефон аркылуу Индия өкмөт башчысына Кашмирде болгон терракттан кийин чалды. Автоунаага коюлган бомбанын жарылуусунан бул күнү индиялык 28 жоокер набыт болду. Индия бийлиги муну ислам сепаратисттеринин кылганы деп баалады.
