Ирандын мунай министри Бижан Намдар Занганенин айтымында, мунайдын баасын түшүрүү максатында Иран жакын арада өз өндүрүшүн көбөйтөт, бирок анын көлөмү канчага жогорулай турганын министр айткан жок. Мунай экспорттоочу өлкөлөрдүн ОПЕК аттуу уюмунда Иран - Сауд Арабиядан кийинки эң көп мунай өндүргөн мамлекет. Саудиялык жетекчиликтин айтымында, июндан тартып өлкө мунай өндүрүшүн 10 пайызга көбөйтөт. Ирактагы окуялардан улам мунайдын дүйнөлүк баасы эбегейсиз жогорулап кетти, бир бочка май азыр 41 доллар 72 цент турат.
