УЛУТТАР УЮМУ. Ирак боюнча АКШ жана Британия сунуш кылган резолюциянын долбоору Улуттар уюмунун Коопсуздук кеңешинин башка мүчөлөрүнүн каршылыгына туш болуп жатат. Франция, Германия, Россия жана Кытай документти кайрадан иштеп чыгууну талап кылууда. Алар эң оболу коалициялык аскерлердин Иракта канча убакытка кала бере турганын так аныктоону жана Ирактын өткөөл өкмөтүнө кеңирирээк укуктарды ыйгарууну сунуш кылып жатышат. Ирактын убактылуу өкмөтүнө бийлик 30-июнда өткөрүлүп берилет.
