Абу Хамза ал-Масри “Ал-Каидага” жана талиптерге активдүү көмөктөшкөн, деп айтылат билдирүүдө. АКШнын юстиция министри Жон Эшкрофттун айтымында, Абу Хамза учурунда Кошмо Штаттарында террористтердин базасын ачканга аракеттенген. Мындан тышкары алты жыл илгери Йеменде чет элдик туристтерди барымтага кармап алган террорчулар менен тыгыз байланышта болгон. Абу Хамзаны Кошмо Штаттарына өткөрүп алганга аракет кылып жатабыз, ал өзү жасаган бардык кыянат иштери үчүн сот алдында жооп берүүгө тийиш, деп билдирди Эшкрофт.
