БИШКЕК. 10-июнда Дүйшөмбү шаарында электркубатуулугу боюнча КМШ мамлекеттеринин кеңешинин 25-отуруму өтөт. Анда суу-энергетикалык ресурстарды натыйжалуу пайдалануу, энергетикалык соода, техникалык жабдуулар, күз-кыш айларына даярдык көрүү тууралуу маселелер козголот. Жыйынга Кыргызстандан "Гидроэлектрстанциясынын" акционердик коомунун өкүлдөрү катышат. Бул тууралуу аталган коомдон бүгүн "Азаттыкка" билдиришти. Кеңешмеде Евроазия экономикалык кызматташтык уюму, Борборазия электрстанциялар биримдиги, Орусиянын бирдиктүү электр системасынын жана 12 мамлекеттин өкүлдөрү катышуусу күтүлүүдө.
