Страсбургдагы адам укуктары боюнча Европа соту күрт лидери Абдулла Өжалан боюнча ишту угууну баштады. Эскерте кетели, Абдулла Өжалан 1999-жылы Түркиянын атайын кызматы тарабынан колго түшүрүлүп, аны аскерий трибунал өмүр бою камакка кескен болчу. Куртистан жумушчу партиясынын мурдагы лидеринин адвокаттарынын айтымында, сот акыйкат болгон эмес. Абдулла Өжалан 55 жашта. Көп жылдар бою күрттөрдүн эгемендик үчүн куралдуу көтөрүлүштөрүн башкарган. Түркиядагы мындай куралдуу кагылыштарда 30 миңден ашык адам набыт болгон.
