БИШКЕК. 13-15-июнь аралыгында Ташкентте Шанхай кызматташуу уюмуна кирген өлкөлөрдүн улуттук координаторлорунун жыйыны болот. Ага Кыргызстандан улуттук координатор Кадырбек Сарбаевдин катышуусу белгиленген. Анда Шанхай Кызматташтык уюмуна мүчө мамлекет башчыларынын 17-июнга болжолдонуп жаткан Ташкент саммитинин күн тартиби талкууланат. Уюмдун ишин өнүктүрүү маселеси каралары күтүлүп жаткан Ташкент саммитине президент Аскар Акаевдин катышаары мурдараак Кадырбек Сарбаев тарабынан маалымдалган.