Ирандын тышкы иштер министри Камал Харрази бүгүн атайын жарыя жасап, Арак шаарында курулуп жаткан өзөктүк ишканадагы даярдыктар токтотулбай турганын билдирди. Европа Биримдиги Тегеранга кайрылып, курулушту токтотууну талап кылган жана АКШнын Си-айленд аралында өткөн бийик жолугушууда дагы дүйнөлүк лидерлер Ирандын өзөктүк программалары тууралуу тынчсыздануу билдирген. Тегерандын айтымында, анын өзөктүк ишканалары аскерий максат куубайт.
