Чеченстандын Автура кыштагынын тушунан куралчан топ менен атышууда мамлекет башчынын коопсуздук кызматында иштеген 4 адам жарадар болду. Орусиянын куралдуу күчтөрү билдиргенге караганда, кол салган топтон 2 адам окко учкан. Подполковник Илья Шаболкин билдиргенге караганда, согушчандар Автура кыштагына кирип барганга аракет кылышкан. Чеченстандын Сүнжан районунда дагы бир чечен согушчаны набыт болду. Мурад Алихажиев мурда милиция кызматкерлерине кол салган деп издөөдө болчу.
