БИШКЕК. 3-6-августтун аралыгында Кыргызстанда Россия, Кыргызстан, Казакстан жана Өзбекстан мамлекеттеринин коргонуу күчтөрүнүн аскерий машыгуусу өтөт. Бул машыгууга ЕврАзЭСке, Жамааттык коопсуздук келишими уюмуна мүчө мамлекеттердин, КМШ өлкөлөрүнүн коргоо министрлери чакырылды. Бул тууралуу ишемби күнү «Кабар» маалымат агенттигинин башчысы Кубан Табалдиев коргоо министри Эсен Топоевдин маалыматына шилтеме берип, кабарлады. Ал эми президенттин маалымат кызматы бул машыгууга Россиянын коргоо министри Сергей Ивановдун келери бышыкталганын билдирди.
