ТАЛАС. "Ортоңку Чыгышты өз колуңар менен кургула, анткени буга акылуу жана ылайыктуу болгон кишилер бир гана силерсиңер" деген аталышта таратылган баракчаларда «чоң сегиздиктин» президенттеринин АКШнын Жорджия штатындагы жолугушуусу сынга алынып, террорчулукка каршы күрөштүн шылтоосу аркылуу Жакынкы Чыгыш менен Түндүк Африкага каршы саясат жүргүзүлүп жатат деген пикир айтылат. Баракчалар халифат мамлекетин негиздөөгө, мусулмандардын күчтөрүн топтоого жана баш кошууга чакырат. Баркчаларга тиешеси бар адамдар кимдер экендиги али белгисиз. Бул тууралуу облустук ички иштер башкармалыгынын коомдук бирикмелер менен байланыш түзүү тобунан 23-июнь күнү маалымдашты.
