БИШКЕК. Бүгүн Бишкектин четинде жайгашкан «Кашкасуу» туристик жайында Кыргызстандагы оппозициячыл, өкмөтчүл, ортомчул маанайдагы саясий партиялардын өкүлдөрү үчүн үч күндүк окуу башталды. Семинар «Партиялык уюмдарды чыңдоо жана аларды шайлоо кампаниясына даярдоо» деген темада өткөрүлүүдө. Мындай иш-чара АКШнын Республикалык партиясынын Кыргызстандагы өкүлчүлү тарабынан уюштурулууда. Эки күндүк семинар учурунда саясий партия өкүлдөрүнө Украинанын элдик партиясынын лидерлеринин бири Веко Бирюк дарс окуйт жана партиялардын ишмердүүлүгү боюнча талкуу болот.
