БИШКЕК. Бүгүн Эл өкүлдөр жыйынынын спикери Алтай Бөрүбаев жана палатанын депутаттары АКШнын Монтана штатынын Улуттук гвардиясынын башчысы Жим Прендергаст жетектеген делегация менен жолугушту. Жолугушууда Кыргызстан менен Монтана штатынын ортосунда кызматташуу жана былтыр кол коюлган эки тараптуу меморандумду аткаруу тууралуу сөз жүрдү. Алтай Бөрүбаев меморандумдун негизинде түзүлгөн «Кыргызстан-Монтана» биргелешкен комитетинин иши натыйжалуу болоруна ишенимин билдирип, штаттын көмөгү менен «Көкжар» кичирайонунда майыптар үчүн үй куруу демилгесин колдоду.
