КАРАКОЛ. Облустук кеңештин токтомуна ылайык Ысыккөл, Кызыломпол жана Караталаа экологиялык посттору мындан ары үзгүлтүксүз иштейт. Ысыккөл биосфералык аймагына кирген республиканын жүк ташуучу автоунааларынан, менчигинин түрүнө карабастан 100 сомдон, жеңил автоунаалардан 50 сомдон, ал эми алыскы жана жакынкы чет өлкөлөрдөн жүк, ошондой эле жүргүнчүлөрдү ташуучу автоунаалар менен жеңил автоунааларынан 400 сомдон 500 сомго чейин акчалай төлөмдөр алынат. Ошентип биосфералык аймакка кирүүгө байланышкан бардык талаш-тартыштуу маселелерге чекит коюлду.
