БИШКЕК. Эмдиги жылы Кыргызстандын альпинизм боюнча федерациясы бийиктиги 8 миң 848 метр болгон Эверест чокусуна чыгуу жүрүшүн уюштурат. Ага негиз берген буйрукка президент кол койду. Өкмөт чокуга чыгууну уюштуруу жана каржылоо маселесин бир айдын ичинде чечет. Чокуга чыгуу акциясы 2005-жылы боло турган экинчи глобалдык тоо саммитине арналат жана спортту жайылтуу максатын көздөйт.
