БИШКЕК. Бүгүн Борбордук шайлоо комиссиясынын жыйыны өткөрүлдү. Анда ушул жылы ыйгарым укугу аяктаган Талас, Ош, Ысыккөл, Нарын, Чүй областтык жана Ош шаардык шайлоо комиссияларынын курамын бекитүү маселеси каралды. Беш областтык жана Ош шаардык шайлоо комиссиясын түзүүгө өлкөдөгү 42 партиядан 7 гана партия катышкан. Алардын арасынан «Алга, Кыргызстан» партиясынан беш, «Адилет» партиясынан төрт, «Менин өлкөм» партиясынан үч, «Элет» партиясынан эки, «Жаңы күч», «Коммунистер» жана «КДК» партияларынан бирден өкүл шайлоо комиссияларынын курамына киргизилди.
