БЕЛГРАД. Сербиянын президенти Борис Тадич АКШга расмий визит менен жөнөп кетти. Бул жекшемби күнү ант берген президенттин чет элге жасаган алгачкы визити. Тадич АКШнын тышкы иштер министри Колин Пауэл жана вицепрезидент Дик Чейни менен жолугушат. Тадичтин айтымында, ал Сербия менен АКШнын ортосундагы мамилелерди жана Косово провинциясынын макамына байланышкан талаш маселелерди талкуулайт. Тадич 27-июнда өткөн добуш берүүдө улутчулдардын талапкери Томислав Николачты жеңип чыгып, президент болуп шайланган.
