БИШКЕК. Август айынан баштап электр энергиясына тарифтер өзгөрөт. Бул тууралуу энергетика боюнча мамлекеттик агенттиктин директорунун орун басары Акылбек Түмөнбаев билдирди. Анын айтымында, буга чейин граждандар бир ай ичинде пайдаланган 100 килловат саат энергиянын ар бир килловатына 43 тыйындан, андан ашканына 80 тыйындан төлөп келсе, август айынан баштап бирдиктүү тариф киргизилет. Ага ылайык эл пайдаланылган бир килловат саат энергия үчүн 60 тыйын төлөйт.Мындай өзгөртүү электр энергиясын уурдоону азайтуу максатында жасалууда, деп белгиледи Акылбек Түмөнбаев.
