Бул тууралуу Исламабадга сапарлап барган АКШнын мамлекеттик катчысынын орун басары Ричард Армитаж билдирип, Америка Пакистанды Ирактагы бейпилдик операцияларына катышууга кыстабайт деп кошумчалай кетти. Пакистан өкмөтү мурдараак өз аскерлерин Иракка БУУнун мандаты алдында, же ирак эли суранса гана жөнөтөөрүн эскерткен. Исламабадда Армитаж Пакистандын тышкы иштер министри Рияз Хохар менен жолугуп, эки тараптуу мамилелер, Ирак, Ооганстан маселелерин талкуулаганы маалымдалды.
Вашингтон Пакистандык дипломат Ашраф Жехангир Казинин БУУнун Ирактагы өкүлү болуп дайындалганын кубаттайт
