Украинада дайынсыз жоголгон беш шахтёрдун табылаарынан үмүт аз

Донецк аймагынын чыгышында дүйшөмбү күнү шахта жарылып, 31 киши курман болгон эле. Краснолиманская шахтасындагы кырсыкта жер алдындагы 48 жумушчунун 12си гана аман кутулган.
Прокуратура иликтөө баштады, эгер коопсуздук чаралары бузулган болсо, жоопкер киши 8 жылга эркинен ажыратылышы мүмкүн. Украинада оор кырсыктын курмандыктарына кечээтен бери аза күтүп жатышат.