БИШКЕК. «Демократия жана жарандык коом үчүн» Коалициясы август айында жер-жерлерде шайлоочуларга алардын укуктарын түшүндүрүү иштерин баштайт. Бул иш чара октябрга чейин созулат. Ар бир үйгө барып, жергиликтүү шайлоонун эркиндигин жана акыйкаттыгын камсыздоого кол кабыш кылуу максатын көздөгөн бул компаниянын алкагында коалиция шайлоого байкоо жүргүзүүнү да көздөп жатат. Ага узак мөөнөттүү 60 жана шайлоо күнү 2000 байкоочу тартылмакчы. Өзүн өзү башкаруунун 140 шаардык жана жергиликтүү органдарында шайлоо 10-октябрда болот.
