НАТОнун бейпилдик күчтөрү Кабул аба майданына жакын жерде ракета жана ок дарылар катылган жашыруун жай табылганын билдирди. Андан 40 ракета, 30га чукул жардыргыч зат жана курал- жарактар алынды. Ооганстандын чыгыш тарабында кечээ талибдер деп шектелген көтөрүлүшчүлөр менен атышууда төрт америкалык аскер окко учту. Кол салуу түн ичинде Кунар шаарчасында болгон. Аскерий өкүлдөр билдиргенге караганда, талибдер деп шектелген 11 адам туткундалды.
