Бэйжинге Вашингтондук делегацияны баштап барган сенатор Тед Стевенс визит маалында алар АКШ Тайванга курал-жарак сатууну токтотпой турганын ачык айтышканын билдирди. Кытай – Тайванды өзүнүн ажырагыс бөлүгү деп эсептейт. Кошмо Штаттар "Бирдиктүү Кытай" идеясын колдоп, бирок Тайван менен экономикалык, аскердик байланыштарын үзбөй турганын айтып келет. Тайвандын өкүлдөрү жакында 18 млрд долларга АКШдан курал-жабдык сатып алууну пландаштырып жатканын маалымдашкан.
