Ирактын коргоо министри Хазем ал-Шаалан бүгүн кошуна Иранга кайрылып, 1991-жылдагы Кувейт согушуна чейин президент Саддам Хусейн тарабынан Иранга берилген 130 учакты кайтарып берүүнү талап кылды. Тегерандын айтымында болсо, анын колунда 22 гана учак бар жана эгер Бириккен Улуттар талап кылса, алар Иракка кайтарып берилет. Өткөн аптада америкалык "Вашингтон пост" гезитинде чыккан маегинде министр Иранды күнөөлөп, ал Ирактын ички иштерине кийлигишүүдө деп билдирген.
