Москва. Орусиянын Мамлекеттик Думасы бүгүн Грузин бийлигинин саясатын кескин сынга алып, президент Владимир Путинге жана өкмөткө грузин республикаларындагы Орусиянын атуулдарынын коопсуздугун камсыздоо боюнча тиешелүү чараларды көрүүгө чакырды. Ал эми ушул шейшембиде Грузиянын президенти Михаил Саакашвили Абхазияга жакындаган кемелер аткыланат деп эскерткен. Мамлекеттик Думанын депутаттары грузин президентинин мындай эскертүүсүн ачыктан-ачык агрессивдүү билдирүү катары баалашты. Депутаттар Түштүк Осетиядагы кырдаалга карата да тынчсыздануусун билдиришти.
