Орусиянын федералдык өкмөтү тарабынан бөлүнгөн каражаттардын ичинен 20 пайызы гана Чечен республикасына келди. Бул тууралуу Чеченстанды калыбына келтирүү боюнча Коомдук кеңешинин төрагасы Алу Алханов Федерация кеңешинин жыйынында кечээ билдирди. Анын маалыматына караганда учурда Чеченстанда 88 миң адам бузулган турак-жайы үчүн компенсация алуу боюнча арыз берген. Алардын ичинен азырынча 8 миңинин гана арызы канааттандырылды. Алу Алханов белгилегендей, Чеченстанда жумушсуздуктун деңгээли 76 пайызга жетти.
