ЖАЛАЛАБАД. Жалалабад облусунда миңден ашык үй-бүлөө коркунучтуу жайларда жашоого аргасыз болушууда. Облустун жер көчкү жана сел жүрүүсү күтүлгөн жайларында жашаган 1130 үй-бүлөнүн бөлөк жака көчүүгө аргасы жок. Ага өкмөттүк ссудалардын кечигүүсү менен 2003-жылга чейин төлөнгөн 24 миң сомдук жардамдын аздыгы себеп болууда. Албетте, мынча акчага үй тургузуу кыйын. 1998-жылдан бери 490 үй-бүлө турак-жай үчүн бир сом да алышпаган. Жер участкасы тийген 637 үй-бүлө каражаттын жетишсиздигинен баш калка тугуза элек. 12-августта обл.бийликтин билдирүүсү боюнча 61 үйбүлөгө чатыр таркатылган. Өкмөттүн турак-жай департаменти 114 үй-бүлөгө 11 млн. сом кредит берген.
